माननीय

१ जून १९६७ रोजी एका गरीब शेतकरी कुटुंबात त्यांचा जन्म झाला. पाच भाऊ आणि चार बहिणींमध्ये ते सर्वात लहान. घरची परिस्थिती अत्यंत हलाखीची होती. वडील अल्पशिक्षित, आई निरक्षर; पण मुलांनी शिकावे ही त्यांची जिद्द मोठी होती.

लहानपणी बाळासाहेबांचे आयुष्य हे संघर्षाचे दुसरे नाव होते. सकाळी लवकर उठून जनावरांची कामे करणे, शेतात मदत करणे, गुरे चारायला नेणे आणि त्यानंतर अनेक किलोमीटर चालत शाळेत जाणे हा त्यांचा दिनक्रम होता. पायात चप्पल नव्हती, जुनी पुस्तके आणि फाटलेल्या वहीतून शिक्षण सुरू होते. घरात वीज नसल्यामुळे दिव्याच्या प्रकाशात अभ्यास करावा लागायचा.

सुट्टीच्या दिवशी इतरांच्या शेतात मजुरी करून शालेय साहित्य घ्यावे लागे. आईसोबत डोक्यावर भाजीपाला घेऊन मिरज बाजारात चालत जाण्याचे दिवस त्यांनी अनुभवले. त्या संघर्षानेच त्यांच्या मनात समाजातील गरीब आणि वंचित माणसांविषयी संवेदनशीलता निर्माण केली.